Embassy of Mongolia in France

Embassy of Mongolia

  • A- A A+
  • Flux RSS
  • Suivez nous sur twitter
  • Ашигт малтмал, газрын тосны газрын дарга Х.Хэрлэн, Уул уурхай, хүнд үйлдвэрийн яамны Геологийн бодлогын дарга Б.Мөнхтөр тэргүүтэй төлөөлөгчид ажлын айлчлал хийв

    DSC_3068

    Ашигт малтмал, газрын тосны газрын дарга Х.Хэрлэн, Уул уурхай, хүнд үйлдвэрийн яамны Геологийн бодлогын дарга Б.Мөнхтөр тэргүүтэй төлөөлөгчид 2018 оны 6 дугаар сарын 24-29-ний өдрүүдэд Парис хотноо ажлын айлчлал хийв. Төлөөлөгчид 2018 оны 6 дугаар сарын 25-ны өдөр Франц Улсын аж үйлдвэрийн бүс болох Малвези-д байрлах Орано группийн үйлдвэрийн үйл ажиллагаатай танилцсан бөгөөд 6 дугаар сарын 26-ны өдөр болсон Дэлхийн цөмийн энергийн үзэсгэлэнгийн нээлтэд оролцов. Айлчлалын үеэр төлөөлөгчид Францын Атомын энергийн комиссариатын Гадаад харилцааны асуудал хариуцсан захирал, Орано Майнз-ын ТУЗ-ын гишүүн Анн Лазар-Суритай 6 дугаар сарын 27-ны өдөр уулзаж хамтын ажиллагааны талаар санал солилцов. Мөн Ашигт малтмал, газрын тосны газар, Франц Улсын Геологи, уул уурхайн судалгаа, шинжилгээний товчоо хооронд санамж бичигт гарын үсэг зурах ёслолын арга хэмжээ болов. Санамж бичигт монголын талаас Ашигт малтмал, газрын тосны газрын дарга Х.Хэрлэн, францын талаас Геологи, уул уурхайн судалгаа, шинжилгээний товчооны дэд дарга, Шинжлэх ухааны асуудал хариуцсан захирал Пьер Тулуа нар гарын үсэг зурав.

    DSC_3119