Embassy of Mongolia in France

Embassy of Mongolia

  • Flux RSS
  • Suivez nous sur twitter
  • Эх орондоо буцах хүсэлтэй Монгол Улсын иргэдийн анхааралд

    Монгол Улсын Засгийн газрын шийдвэрээр эрүүл ахуйн өндөржүүлсэн бэлэн байдлын хүрээнд 2021 оны 03 дугаар сарын 31-ны өдөр хүртэл Монгол Улс хуваарьт гадаад нислэгийг зогсоосон байдалтай байна. Цаашид сунгах эсэх талаар албан шийдвэр гараагүйг мэдэгдье.

    Манай ЭСЯ-наас буцах иргэдийн хүсэлтийг сүүлийн  10 сарын хугацаанд иргэдээс хүлээн авахад өнөөдрийн байдлаар 176 иргэн хүсэлтээ албан ёсоор гаргаж эдгээр хүсэлтээс УОК-ийн шийдвэрээр нийт 145 иргэн тусгай үүргийн нислэгээр эх орондоо буцжээ.

    УОК-ийн шийдвэрээр дараагийн тусгай үүргийн нислэг ХБНГУ-ын Франкфурт хотоос хийгдэнэ /одоогоор огноо тодорхойгүй/. Энэ онгоцонд Европын Холбооны улсуудаас буцах хүсэлтэй иргэдийг багтах бөгөөд урьдын адил тусгай үүргийн нислэгээр явах иргэдийг УОК-ын штаб сонгоно. Өөрөөр хэлбэл ЭСЯ эцсийн шийдвэрийг гаргахгүй гэдгийг онцлон дурдаж байна.

    Өмнө буюу 2020 онд бүртгүүлсэн иргэд ЭСЯ-тай холбогдож мэдээллээ дахин баталгаажуулна уу.

    Хэрвээ та анх удаагаа ЭСЯ-нд албан ёсоор бүртгүүлэх гэж байгаа бол дараах мэдээллийг сайтар уншиж шинээр бүртгүүлнэ үү.

    Дараах нэн хүндэтгэн үзэх шалтгаантай иргэдийг УОК-ийн штабаар нэн тэргүүний ээлжинд шийдвэрлэгдэнэ.

    – Эрүүл мэндийн шалтгаантай иргэн (хүнд өвчний улмаас эмнэлгийн магадлагаагаар гадаад улсад эмчилгээнд явсан)

    – Жирэмсэн иргэн

    – Бага насны /14 хүртэлх настай/ хүүхэдтэй гэр бүл

    – Хөгжлийн бэрхшээлтэй иргэн

    – Өндөр настан /60-аас дээш настай/ зэрэг болно.

    Бусад дараах шалтгаантай иргэд бүртгэлийн мэдээллээ явуулж болно.

    Ø  Богино хугацааны визтэй иргэн

    Ø  Байрлах газаргүй болсон иргэн

    Ø  Оюутан

    Ø  Санхүүгийн боломжгүй болсон иргэн

    Ø  Насанд хүрээгүй хүүхэд /Сурагч солилцооны хөтөлбөрөөр суралцаж байгаа харгалзах хүнгүй 18 хүртэлх насны хүүхэд орно/

    Ø  Бусад

    Иймд дараах зааврын дагуу иргэн Та /гэр бүл бол гэр бүлийн гишүүн тус бүрээр/ бүртгэлийн мэдээллээ явуулна уу.

    1. Эцэг (эх)-ийн нэр (Крилл үсгээр бичнэ)

    2. Өөрийн нэр (Крилл үсгээр бичнэ)

    3. Хүйс: Эр/Эм

    4. Регистрийн дугаар: (Дугаарын эхний 2 үсгийг криллээр бичнэ үү)

    5. Монгол Улсын Үндэсний гадаад паспортын дугаар (Жишээ: Е1234567)

    6. Байнгын ажиллагаатай холбоо барих утасны дугаар: Нэмэлт тодруулга авахад бэлэн байх

    7. Байнгын ажиллагаатай холбоо барих имэйл хаяг: Нэмэлт тодруулга авахад бэлэн байх

    8. Оршин суугаа хот: (Латин үсгээр бичнэ)

    9. Монголд Улсад буй гэр бүлийн гишүүний нэр, утасны дугаар: Нэмэлт тодруулга авахад бэлэн байх

    10. Буцах нислэгийн маршрут, огноо: (Хэрвээ захиалга хийсэн бөгөөд хүчинтэй хэвээрээ байгаа тохиолдолд)

    11. Визийн ангилал, дуусах хугацаа:

    12. Түр ирсэн эсвэл байнгын оршин суугч эсэх:

    13. Хүндэтгэн үзэх шалтгаантай эсэх:

    Дээрх явуулсан мэдээлэлд дараах баримтыг хавсаргана. Хавсаргахдаа зөвхөн цахим шуудангаар явуулсан мэдээлэл нотлогдохгүй, УОК-ын штаб нотлох баримтад үндэслэн олон тооны хүнээс цөөн тооны хүнийг онгоцны багтаамжаас шалтгаалан хүндэтгэх шалтгаанаар ангилан сонгоно гэдгийг зайлшгүй тооцохыг хүсч байна.

    • Нөхцөл байдлаа тодорхой бичсэн өргөдөл /гараар болон компьютерт бичсэн, гарын үсгээ зурсан байх, хүндэтгэн үзэх шалтгаанаа дурдсан, Монгол Улсад очоод хязгааралтад орохоо хүлээн зөвшөөрч түүний төлбөрийг төлөх, өвчний шинж тэмдэггүй байгаагаа баталсан байна/ • Эрүүл мэндийн шалтгаантайг нотлох баримт – Эмчийн бичиг, эмнэлгийн магадлагаа гэх мэт.

    • Бага насны хүүхэдтэй гэр бүл (0-16 насны хүүхэдтэй) – Паспортын нүүр хуудас, төрсний гэрчилгээ • Ахмад настан (60-аас дээш настай) – Паспортын нүүр хуудас • Жирэмсэн – Жирэмсэн болон түүний хугацааг тодорхойлсон баримт бичиг • Хөгжлийн бэрхшээлтэй – Холбогдох нотлох баримт

    Бусад шалтгаантай иргэд ирүүлэх мэдээлэлдээ дараахыг хавсаргана.

    ❖ Нөхцөл байдлаа тодорхой бичсэн өргөдөл /гараар болон компьютерт бичсэн, гарын үсгээ зурсан байх, хүндэтгэн үзэх шалтгаанаа дурдсан, Монгол Улсад очоод хязгааралтад орохоо хүлээн зөвшөөрч түүний төлбөрийг төлөх, өвчний шинж тэмдэггүй байгаагаа баталсан байна/ 

    ❖ Богино хугацааны визтэй – Визийн ангилал, дуусах хугацааг өргөдөлдөө бичиж, визийн хуудсыг хавсаргах

    ❖ Байрлах газаргүй – Нөхцөл байдлаа өргөдөлдөө товч, тодорхой тайлбарлаж, нотолгоо байгаа бол хавсаргах

    ❖ Оюутан – Оюутны үнэмлэх хавсаргах

    ❖ Санхүүгийн боломжгүй болсон – Нөхцөл байдлаа өргөдөлдөө товч, тодорхой тайлбарлаж нотлох баримт бий бол хавсаргах

    ❖ Насанд хүрээгүй хүүхэд (Сурагч солилцооны хөтөлбөрөөр суралцаж байгаа харгалзах хүнгүй 16-18 насны хүүхэд) – Эцэг эх, хууль ёсны асран хамгаалагч өргөдөл гаргаж нотолгоог хавсаргана.

    ❖ Бусад – Нөхцөл байдлаа өргөдөлдөө товч, тодорхой тайлбарлаж, нотолгоо байгаа бол хавсаргах

    Мэдээлэл /13 асуулт/ болон нотлох баримтаа /өргөдөл гэх мэт/ дараах хаягаар явуулж зайлшгүй тодруулах асуултыг утсаар лавлана уу.

    Цахим шуудангийн хаяг: burtgel@ambassademongolie.fr

    ЭСЯ-ны консулын утас: 01 46 05 28 12 /2-ийг дарж монгол хэл сонгоод 1-ийг дарна/

    УОК-оос тусгай үүргийн онгоцонд багтан явахаар шийдвэрлэгдсэн иргэдтэй бид тус бүр холбогдож дараагийн зааварчилгааг өгөх болно.

    Монгол Улсын ЭСЯ